ដោយសារប្រទេសកម្ពុជាជាប្រទេសដែលមានប្រជាជនធ្វើស្រែចំការច្រើន ដូច្នេះតម្រូវការប្រើប្រាស់ជីក៏ច្រើន ហើយស្របពេលដែល
ប្រទេសកម្ពុជាយើង បានជួបនូវបញ្ហាជម្លោះព្រំដែនជាមួយថៃ ដែលនាំឱ្យមានការបិទព្រំដែន ទាំងសងខាងធ្វើឲ្យមិនអាចនាំចូលជីពីក្រៅប្រទេសបាន ហេតុដូច្នេះ ធ្វើឲ្យប្រជាជនខ្មែរបានងាកមកប្រើប្រាស់ជីផលិតក្នុងស្រុកកាន់តែច្រើនឡើង ធ្វើឲ្យកំណើតនូវការផលិតជីក្នុងស្រុកក៏កាន់តែច្រើន ដើម្បីបំពេញតម្រូវការក្នុងស្រុក។
ដោយសារតែមានសន្ទុះគាំទ្រពីកសិករ មានការកើនឡើងខ្ពស់ លោកយន់ សុផាត ម្ចាស់ រោងចក្រផលិតជីធម្មជាតិ ហ៊ុនហ៊ុយយន់ បានឲ្យដឹងថា លោកបាននឹងកំពុងពង្រីកទំហំនូវការផលិតបន្ថែមទៀត ដោយបច្ចុប្បន្នរោងចក្ររបស់លោកមានសមត្ថភាពផលិតក្នុង១ថ្ងៃ១០០តោន និងអាចលើសពីនេះតាមតម្រូវការជាក់ស្តែង ដើម្បីបំពេញតម្រូវការក្នុងស្រុក ។
បើតាមលោកយន់សុផាត ម្ចាស់រោងចក្រផលិតជីហ៊ុយយន់ បានឲ្យដឹងថា ទោះបីបច្ចុប្បន្នជីរបស់លោក លក់ដាច់យ៉ាងណាក្តី ក៏លោក មានឆន្ទះ មិនតម្លើងថ្លៃ តម្លៃជីរបស់ខ្លួននោះទេ។
បច្ចុប្បន្នរោងចក្រផលិតជី បានចូលរួមចំណែកដល់វិស័យកសិកម្មនៅកម្ពុជា និងបានជួយសម្អាតបរិស្ថាន តាមរយៈការប្រមូលកាកសំណល់មកកែច្នៃធ្វើជាជីធម្មជាតិ៕
