នៅថ្ងៃទី២៤ ខែមិថុនា ឆ្នាំ២០២៦ ខាងមុខនេះ មន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ស្ពឺ បានរៀបចំនូវកម្មវិធីសិក្ខាសាលា ការពង្រឹងសមត្ថភាពសហគមន៍ សហភាពសហកម្មន៍កសិកម្ម ធុរកិច្ចកសិកម្ម និងការផ្គូរផ្គងអាជីវកម្ម ជាមួយដៃគូរពាក់ព័ន្ធ ដែលរៀបចំឡើងនៅមន្ទីរកសិក្មរក្ខាប្រមាញ់និងនេសាទខេត្តកំពងស្ពឺ។
កម្មវិធីនេះរៀបចំឡើងក្នុងគោលបំណង លើកកម្ពស់វិស័យកសិកម្ម តាមរយះចែករំលែកនូវចំណេះដឹងគ្នាទៅវិញទៅមក ការចែករំលែកនូវបទពិសោធន៍ ជាពិសេសការផ្គូរផ្គង ចាប់ដៃ គូរអភិវឌ្ឍន៍ ក្រុមហ៊ុន ឬវិស័យឯកជន និងភាគីពាក់ព័ន្ធ ដើម្បីដោះស្រាយបញ្ហាប្រឈម និង ការផ្គត់ផ្គង់ធាតុចូល និងកសិផលដែលផលិតបាន ដើម្បីជួយដល់ទីផ្សាររបស់ប្រជាកសិករ។
កម្មវិធីធ្វើឡើងដើម្បីអនុវត្តស្របតាម យុទ្ធសាស្ត្របញ្ចកោណដំណាក់កាលទី១ ដែលជាគោលនយោបាយអតិភាពទី៦ របស់រដ្ឋាភិបាល ក្នុងការលើកស្ទួយផលិតកម្មនៅកម្ពុជា។
ដែលមានការចូលរួមពី ឯកឧត្តមបណ្ឌិត គី សេរីវឌ្ឍន៍ សមាជិកក្រុមប្រឹក្សាសេដ្ឋកិច្ច និងវប្បធម៌ និងជាប្រធានវិទ្យាស្ថានចិន នៃរាជបណ្ឌិត្យសភាកម្ពុជា លោក យឹម ណន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ ដោយមានការអញ្ជើញចូលរួមពី ប្រធានមន្ទីរពាក់ព័ន្ធជុំវិញខេត្ត តំណាងរដ្ឋបាលក្រុង/ស្រុកទាំង៩ តំណាងធនាគារ អង្គការដៃគូអភិវឌ្ឍន៍ តំណាងម្ចាស់ក្រុមហ៊ុន និងវិស័យឯកជន មន្រ្តីកសិកម្មឃុំ/សង្កាត់ សហភាពសហគមន៍កសិកម្ម សរុបអ្នកចូលរួមចំនួន ១៧៦នាក់។
ក្រោមការផ្ទួចផ្តើមរបស់មន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺ កម្មវិនិងប្រព្រឹត្តទៅរយះពេល១ថ្ងៃពេញ ដែលមានការចូលរួមពីតំណាងសហគមន៍កសិកម្ម តំណាងបណ្តាលក្រុមហ៊ុន វិស័យឯកជនផ្គត់ផ្គង់ធាតុចូលកសិកម្ម អង្គការដៃគូរ ព្រមទាំងមានវាគ្មិនចែករំលែកនូវគំនិតក្នុងកិច្ចភាក្សារ ស្វែងរកដណោះស្រាយជូនកសិករ។ គួរបញ្ជាក់ផងដែរថា ក្នុងកម្មវិធីនេះ ក៏បានបើកឱកាសឲ្យអ្នកចូលរួមតាមបណ្តាលសហគមន៍ លើកឡើងនូវបញ្ហាប្រឈមចំពោះមុខ ដើម្បីរកដំណោះស្រាយជូនពួកគាត់ផងដែរ។
លោកយឹម ណន ប្រធានមន្ទីរកសិកម្មខេត្តកំពង់ស្ពឺ ក៏មានប្រសាសន៍សង្កត់ធ្ងន់ថា វិស័យកសិកម្មបច្ចុប្បន្ន មិនមែនពឹងផ្អែកតែលើការដាំដុះ និងការប្រមូលផលនោះទេ ប៉ុន្តែទាមទារជាចាំបាច់នូវការយល់ដឹងពីខ្សែច្រវាក់តម្លៃ ការគ្រប់គ្រងអាជីវកម្ម និងការស្វែងរកដៃគូពាណិជ្ជកម្ម ដើម្បីធានាបាននូវនិរន្តរភាពទីផ្សារ និងបង្កើនប្រាក់ចំណូលជូនបងប្អូនកសិករ។ តាមរយៈសិក្ខាសាលានេះ លោកសង្ឃឹមយ៉ាងមុតមាំថា សហគមន៍កសិកម្ម និងវិស័យឯកជន នឹងអាចបង្កើតបាននូវកិច្ចសហការកសិកម្មកិច្ចសន្យាថ្មីៗបន្ថែមទៀត ដែលជាកាតាលីករដ៏សំខាន់ក្នុងការជំរុញសេដ្ឋកិច្ចខេត្តកំពង់ស្ពឺឱ្យកាន់តែរីកចម្រើន។
មន្ទីរកសិកម្ម ក៏បានជំរុញដល់បងប្អូនប្រជាសហគមន៍ទាំងអស់ ត្រូវខិតខំពង្រឹងសមត្ថភាពគ្រប់គ្រងផ្ទៃក្នុង ធានាឱ្យបាននូវគុណភាពផលិតផល និងបរិមាណផ្គត់ផ្គង់ឱ្យស្របតាមតម្រូវការទីផ្សារ។ លោកក៏បានអំពាវនាវដល់ក្រុមហ៊ុន វិស័យឯកជន ក៏ដូចជាគ្រឹះស្ថានធនាគារ និងហិរញ្ញវត្ថុដៃគូទាំងអស់ សូមបន្តជួយគាំទ្រ សម្របសម្រួលដល់ការទទួលបានដើមទុន និងបង្កើតការផ្គូផ្គងអាជីវកម្មក្នុងតម្លៃសមរម្យ ដើម្បីរួមគ្នាកសាងខ្សែច្រវាក់ផលិតកម្មកសិកម្មនៅក្នុងខេត្តកំពង់ស្ពឺ ឱ្យកាន់តែមានការរីកចម្រើន និងមាននិរន្តរភាពប្រកបដោយបរិយាបន្ន៕
ក្រៅពីនោះក៏មានការតាំងបង្ហាញនូវផលិតផលបំរើឲ្យវិស័យកសិកម្ម និងកសិផលដែលជាសក្តានុពលក្នុងមូលដ្ឋាន ខេត្តកំពង់ស្ពឺផងដែរ៕
