នារសៀលថ្ងៃទី១៤ ខែសីហា ឆ្នាំ២០២៦ ឯកឧត្តម គី ច័ន្ទរំដួល អនុរដ្ឋលេខាធិការទទួលបន្ទុកវិស័យឯកជន និងអង្គការសង្គមស៊ីវិល និងជាតំណាងដ៏ខ្ពង់ខ្ពស់ ឯកឧត្តមរដ្ឋមន្រ្តី ឌិត ទីណា បានអញ្ជេីញដឹកនាំកិច្ចប្រជុំពិភាក្សាការងារស្តីពី «ការអភិវឌ្ឍទីផ្សារទឹកឃ្មុំនៅកម្ពុជា»
ក្នុងកិច្ចប្រជុំនេះក៏មានការចូលរួមពី ភាគីពាក់ព័ន្ធទាំងអស់ ចាត់តាំងពីអ្នកចិញ្ចឹមនិងផលិតទឹកឃ្មុំ អាជីវករ និងតំណាងសមាគម ធ្វេីយ៉ាងណារៀបចំស្តង់ដារឱ្យមានភាពបន្សុីគ្នា មានបច្ចេកទេសត្រឹមត្រូវ យល់ច្បាស់ពីតម្រូវការនិងការផ្គត់ផ្គង់ទៅតាមរដូវកាល និងមានលទ្ធភាពផ្គត់ផ្គង់ទីផ្សារទាំងក្នុងស្រុក និងនាំចេញ។
ឯកឧត្តមគី ច័ន្ទរំដួល អនុរដ្ឋលេខាធិការ បានផ្តល់អនុសាសន៍ណែនាំដល់តំណាងសមាគម និងភាគីពាក់ព័ន្ធទាំងអស់ ជំរុញការអភិវឌ្ឍទីផ្សារទឹកឃ្មុំឱ្យទទួលបានផលចំណេញ រក្សាបាននូវភាពធម្មជាតិនៃទឹកឃ្មុំដែលមានគុណភាពល្អ សុវត្ថិភាពខ្ពស់សម្រាប់អ្នកប្រេីប្រាស់ មានការផ្គត់ផ្គង់គ្រប់គ្រាន់ក្នុងទីផ្សារក្នុងស្រុក និងឈានទៅដល់ការនាំចេញទៅកាន់ទីផ្សារអន្តរជាតិ ហេីយក្រសួងកសិកម្ម នឹងផ្តល់ជាជំនួយស្តង់ដារបច្ចេកទេសនិងលក្ខខណ្ឌតម្រូវនៃការចិញ្ចឹមសត្វឃ្មុំ សំដៅទទួលបានផលចំណេញទាំងអស់គ្នា៕
